Plein Air Curaçao Art Museum

Art Foundation Curaçao ta un organisashon ‘non profit’ fundá na 2014, pa entre otro generá konsiensia pa e kreatividat i talento eksistente na Kòrsou.

Nan ta organisá eksposishonnan, rekoridonan den Punda, tayernan, rekorido den bùs pa museo i studionan di arte, charlanan, i lèsnan di arte grátis pa muchanan den bario, na skol i den kasnan alternativo manera internatnan. Tambe Plein Air Curaçao, ku ta un festival di arte internashonal ku ta tuma lugá kada bula un aña. Un festival durante kua mas ku kuarenta artista lokal i internashonal ta pinta na lokalidatnan na airu liber. Ta eksponé e pinturanan ganadó di e festival i otro imágennan ekstraordinario di Kòrsou den Plein Air Curaçao Art Museum.