Museum Kurá Hulanda

Museo Kurá Hulanda ta un museo ku ta enfoká rib’e kulturanan predominante di Kòrsou. E ta ofresé un króniko mundial di orígen di hende, e komersio di esklabo afrikano, imperionan di Afrika Oksidental, artefaktonan di Mesopotamia i arte Antiano. E museo ta eksponé e komersio transatlántiko di esklabo afrikano den su totalidat, for di kaptura di esklabonan na Afrika, nan transportashon via di atlántiko, te ku nan traslado p’e Hemisferio Oksidental. Ku su kolekshon amplio di artefaktonan di Afrika kontinental, e museo aki ta demostrá e vitalidat dinámiko i gran imperionan di Afrika Oksidental i kon e herensia kultural afrikano i diverso a influensia Kòrsou I sosiedatnan di Karibe te ku dia di awe.