Jewish Cultural Historical Museum

The Jewish Cultural Historical Museum, situá den edifisionan históriko di Willemstad, siudat di patrimonio di UNESCO, ta deskribí e historia hudiu kurasoleño, for di yegada di e promé hudiu na aña 1634 te ku e komunidatnan hudiu aktual na Kòrsou. E museo ta brinda mas di mil opheto, potrèt i buki tokante bida di hudiunan na Kòrsou. Komo un ‘Museo Bibu’ e museo su kolekshon ta konsistí tambe di ophetonan, atkirí den usufrukto di Mikvé Israel-Emanuel Synagogue, e snoa di mas antiguo i di uso mas kontinuo den Kontinente Merikano, ku awendia ainda ta ser usá durante di e servisionan. Banda di esei, tin e posibilidat pa tira un bista paden di snoa durante di bo bishita n’e museo.