Curaçao Maritime Museum

Museo Marítimo Curaçao Maritime Museum ta hiba bo den un biahe di deskubrimentu di mas di 500 aña di historia marítimo di Kòrsou. E kombinashon di mapanan nóutiko outéntiko, modèlnan di barku, ekiponan di nabegashon i teknologia oudio visual ta hasi e museo un eksperensia ku bo no mag pèrdè. Banda di e eksposishon e museo ta ofresé un rekorido ku guia i tambe e oportunidat pa hasi un paseo den haf, riba un fèri di haf original. Un paseo entretené i edukativo pa hinter famia, durante kua bo por mira Willemstad, su haf i diferente kompanianan establesé kant’i awa.